Млада, талантирана, образована, позитивна, вака само накратко може да се опише Илина Митревска 22 годишна соло пејачка од Скопје. Илина студира на Конзерваториумот “Giuseppe Tartini” Во Трст, Италија. На наше огромно задоволство како и минатата година така и оваа Илина ќе одржи Солистички концерт во катедралната црква во чест на Св. Климент Охридски, во пијано придружба на Андреј Наунов .
Годинава втора по ред Илина за Св Климент ќе пее во Охрид. Зошто концертот е токму во Охрид и во очи на Св Климент заштитникот на Охрид, Илина објаснува во интервјуто за Охрид 1. Но, не само за тоа, Митревска зборува за репертоарот со кој ќе настапи, а раскажува и за тоа како е да се студира во Италија, каде се гледа во иднина, но и дава поттик за младите дека треба секогаш да го следат својот сон доколку сакаат успех.
Инаку Илина средно образование го завршува во музичкото училиште во Скопје, при одделот за соло пеење, во класата на Проф. Гонца Богоромова Краповски, воедно како дел од вокалната академија на проф. Ана и Игор Дурловски. Интензивно работи со првенецот на Македонската Опера и Балет, тенорот, проф. Ѓорѓи Цуцковски како и првенката Проф. Славица Петровска Галич. Гласот на Илина е под менторство на реномираниот италјански сопран Паулета Мароко.
Во нејзиното досегашно учење се стекнува со голем број настапи: Солистички настап со Македонската Филхармонија, Солистички концерт во Софија, под диригентската палка на маестро Христо Христов. Учествуваво фестивали како Скопско Лето, Звуците на Чаршијата.
Спроведува рецитали и настапи низ Трст, Скопје, а после настапот во 2022та Во Рим, е редовно поканета на Фестивалот “Concerti del Tempietto”
Во 2023та е избрана да ја толкува улогата на Дидо од операта “Дидо и Енеа” на Хенри Парсел, во театарот Џузепе Верди во Муџа.
Има учествувано и освоено награди на повеќе меѓународни натпревари во Италија, Македонија, Белград, Бугарија, како Балканската Романсијада, Натпреварот “Лазар Јованович”, “Полихимнија”
“Neapolitan Masters”, “Art-In”, “Città di Belluno” “London Classical Competition”, Итн.
Учествува на мастер-курсеви учејќи од имиња како: Николас Ишервуд, Алесандро Валентини, Милан Сиљанов, Благој Нацоски.
Камерната Музика ја усовршува под менторство на диригентот, Проф. Ромоло Џеси.
Сценската уметност ја развива со Режисер, Проф. Росалба Тревизан, но пред се ја стекнува од нејзината мајка, актерка – Проф. Валентина Божиновска.
Андреј Наунов пак дипломира на Факултетот за музичка уметност, отсекот пијано, во класата Симон Трпчески, како негов прв студент и во чија клас ги завршува и постдипломски студии.
Добитник е на државни награди по камерна музика и пијано, а како концертен уметник, остварува рецитали низ Македонја. Како солист настапува со оркестарот на Македонската филхармонија и со оркестарт на Македонската опера и балет, како и на концертната турнејата на Симон Трпчески низ Македонија. Свој придонес дава на многу хуманитарни манифестции, концерти, претстави.
Наунов е вработен како корепетитор при Македонската опера и балет и како надворешен соработник при Факултетот за музичка уметност во Скопје.
