Учениците од нашето училиште Филип Атанасов, Михаил Јанески, Мартин Јанески, Никола Ончев, Мелани Тасеска, Кети Јоноска и Марко Попоски, заедно со професорите Јорданка Недеска Симиџиоска и Љупчо Балески, учествуваат на E twinning проектот „Каде се моите стапалки“ (Where are my footprints). Во овој проект покрај учениците и наставниците од нашето училиште се вклучени наставници и ученици од Грција, Франција, Романија, Казахстан, Турција и Азербејџан.
Целта на овој проект е да ја подигнеме свеста за намалување на емисијата на јаглероден диоксид во околината преку соработката во семејството и училиштата. За таа цел ќе се организираат различни активности како организирање состаноци во училиштето за дизајнирање на различни материјали, лого и постер, организирање на вебинари, спроведување разни активности, кампањи и слично. На почетокот на проектот, се пресмета јаглеродниот отпечаток на секој учесник преку организирање на прашалник. Ајде да видиме каков ќе ни биде резултатот после 3 месеци, информираат од ОЕМУЦ Св. Наум Охридски.
