Утре минирање на патната делница Охрид-Кичево – Ohrid1
недела, февруари 25, 2024
АктуелноНаш ИзборНаш избор

Утре минирање на патната делница Охрид-Кичево

На автопатот Кичево – Охрид утре ќе се врши минирање во периодот од 15 до 16:30 часот, соопшти АМСМ и ги повикува возачите да го имаат предвид тој временски период и да го прилагодат времето на своето патување, како и да ја почитуваат поставената патна сигнализација. Од АМСМ велат дека сообраќајот на државните патишта се одвива по претежно влажни коловози, наместа со остатоци од кашест снег на коловозот по интервенција на екипите на ЈП Македонија пат.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

На патниот правец А2 Свети Николе – Миладиновци на 10 км пред Миладиновци, поради свлечиште и голем одрон, сообраќајот е пренасочен само на една коловозна лента во должина од 150 метри. На самото место е поставена соодветна сообраќајна сигнализација. На учесниците во сообраќајот АМСМ им препорачува внимателно возење.

Патниот правец Охрид – Ресен, преку националниот парк Галичица, е затворен за сообраќај за сите видови на возила 1 април. Од охридска страна, сообраќајот ќе се одвива до месноста Корита.