На 31.08.2022, локалната власт во Охрид склучила договор со скопската фирма „Дизајн плус 360“, вреден 400.000 денари, за промотивни логоа, флаери, постери и некакви си регистри за кампања наречена „Купувај локално“.
Од таа кампања – денес ниту трага, ниту глас. Нема резултати, нема активност, нема отчет, а очигледно и покрај издвоените средства нема ни одржливост. Единствено што гледаме се издвоени пари од буџетот, односно од џебот на граѓаните.
За да е срамот уште поголем и иронијата уште поголема, вчера, по повод денот на светите Кирил и Методиј, 70 ученици од Охрид беа „наградени“ со обично печатено ливче со посвета и потпис од градоначалникот. Ете така ги поддржува градоначалникот своите локлани најмлади сограѓани.
Толку им понудија на 70 наши најнадежни охриѓани. Едно парче хартија, наместо вистинска поддршка и признание.
Пари за кампањи кои се скоро и фиктивни има, но за учениците – симболика и игнорирање.
Сепак, честитки до сите наградени ученици – вие сте гордост на овој град. Продолжете да чекорите по патот на знаењето и успехот и покрај понижувачкиот однос на оние што треба да ви служат, а не да ве користат за маркетинг, се вели во соопштението од ОО СДСМ.
