Еко-свест со истражување на популацијата на питом костен (Castanea sativa) во Споменикот на Природа Вевчански Извори преку анализа на теренски и лабораториски резултати 
Во соработка со проф. д-р Кирил Сотировски и доц. д-р Михајло Ристески од Факултет за шумарски науки, пејзажна архитектура и екоинженеринг „Ханс Ем” Скопје, Еко-свест во текот на 2024 година работи на истражување на здравствената состојба на питомиот костен. Истражувањето треба да обезбеди преглед на постоечките состојби и да се идентификуваат и документираат заканите врз популацијата на питомиот костен на територијата на заштитеното подрачје Споменик на природа Вевчански Извори. 
Покрај документирање на постоечката состојба, врз база на идентификуваните закани и ризици, истражувањето ќе содржи препораки и мерки за надминување на состојбите кои би користеле во идното успешно управување со популацијата на питом костен во заштитеното подрачје.
Во истражувањето ќе бидат искористени и податоците собрани во базата на податоци на апликацијата INaturalist, апликација со која секој поединец со примена на граѓанска наука има можност со мапирање да придонесе кон науката.
Активностите се дел од проектот “Поддршка на одржливо управување со Споменикот на Природа Вевчански Извори” спроведуван од Еко-свест, а финансиран од Prespa Ohrid Nature Trust – PONT.
