„Балкан бенд“ го промовираа најновиот музички проект насловен како „А бре, Македонче“. Зад ова музичко дело како аранжер се потпишува Дарко Илиевски, а мастерот е дело на Дејан Момироски. Спотот е направен под режиската палка на маестралниот Даниел Јовески.
Момците од „Балкан бенд“ на промоцијата со огромно задоволство открија дека ова е најскапиот музички проект кој се случил во Македонија во последните 10-на години.
-Ова што го гледате и слушате вечерва како финален производ, го подготвувавме од 2018-та година и сме пресреќни што конечно ја споделуваме со вас „А бре, Македонче“ и горди сме што ѝ оставаме еден траен белег на Македонија, рекоа членовите од „Балкан бенд.
А Охриѓани пак горди што овој маестрален спот е сниман во Охрид, статистите се охриѓани, а и режисер на спотот е охриѓанецот Даниел Јовески.
Јовески и покрај тоа што веќе работи на нов ангажман надвор од државава, за NEWS1.mk открива детали за спотот и соработката со момците од „Балкан бенд“.
NEWS1: Реакциите за спотот и песната се и повеќе од одлични, а доказ за тоа се и бројот на прегледи на YOUTUBE. Може ли да ни откриете колку време го работевте спотот, како помина снимањето, а како монтажата. Очигледно е дека за реализација на истиот требеше да добиете и дозволи од институции како што е завод и музеј и ред други. Наидовте ли на накоја препреки за време на подготовките или пак снимањето?
Даниел Јовески: Временски конкретно за проектот со Балкан Бенд се состанувавме и разговаравме неколку месеци за како би нашле заедничка фреквенција за кон која насока да се движи концептот на сценариото. Спотот се работеше околу 40на дена заедно со снимање и монтажа. Проблеми од технички апект немавме, но самиот јас лично претрпев големи проблеми и искушенија додека траеше целиот процес, посериозно го повредив рамото и во лонгета го довршував целото снимање и монтирање и ми беше многу отежнато да го доснимувам остатокот од матријалот со една рака, а најважното е што не се откажав.
NEWS1: Велат добриот глас далеку се слуша. Така е и со вас. Сте соработувале и соработувате со многу познати имиња кои бараат вие да им го изработите спотот. Дали се случило да одбиете некого и зошто, или имате ли и вие барање од изведувачите од типот препуштете ми мене, сугестии не… Или пак пред да се почне со работа се договарате, па почнувате со работа?
Даниел Јовески: Сум одбивал доста, бидејќи едноставно сум немал доволно време да се посветам на повеќе артисти во истовреме, но и ако не ме инспирира доволно песната. Секогаш сум флекибилен во однос на сценарија и тежината дали се ќе биде работено од мене или ќе е поделена енергијата, а последниот збор останува кај мене секако.
NEWS1: Дека сте маестрален во вашата работа и дека во истата вложувате многу труд и љубов, доказ се бројните награди кои сте ги добиле. Имате ли најдрага, или кој е вашиот сон?
Даниел Јовески: Немам најдрага награда, големиот сонот сеуште не ми остварен, но додека патувам кон мојот сон, се случуваат големи нешта и успешни проекти.
NEWS1: Како и кога одмара Јовески? Има ли време а одмор?
Даниел Јовески: Одмори имам обавезно неколку пати во годината, зимувања и летувања, но и помеѓу работата со рекалсирања со моите кученца, велосипедот, ролерите и со излегувања и дружења со пријателите. Балансот помеѓу работата и одморот мора да се негува за да креативноста извира како што треба.
NEWS1: И на крај неможам, а да не запрашам секако доколку сакате да откриете. На што работите во моментов?
Даниел Јовески: Моментално работам на неколку сценарија и проекти, но нема да откријам бидејќи се во креативен процес и сакам да бидат изненадување.
извор: NEWS1.mk
фото: Даниел Јовески
