ЈП Охридски Комуналец деновиве врши хортикултурно уредување и чистење на улицата „7-ми Ноември“ која се реконструираше.
Вредноста на проектот е 39 милиони денари. Проектот опфати изградба на нова атмосферска канализација, изведување на нови тротоарски површини и велосипедски ленти со автентичен материјал (украсен речен камен), спуштање на водовите на кабелските и другите оператори и комплетна реконструкција и нов асфалт на коловозната лента.
Инвестицијата е обезбедена од општинскиот буџет, а изведувач на градежните зафати е АД „Илинден“, Струга.
