Под слоганот „Една песна една приказна“, вчеравeчер во предворјето на црквата „Света Софија“ се одржа единаесетиот годишен концерт на ансамблот „Билјана“, по повод 8-ми септември – Денот на незавиноста на Република Македонија.
Во рамки на концертната програма беа претставени неколку приказни за Охрид и неговата музичка историја, а наратор на настанот беше биде Проф. Валентина Божиновска. Гости на годинешниот концерт беа Мартина Максимовска, професор по народно пеење и член на националниот ансамбл „Танец“ и Мухамед Бајрам од групата „Цар Самоил“, професор по виолина.
Ансамблот „Билјана“, како четврта трубадурска генерација во нашиот град тежнее кон зачувување и продолжување, а воедно и унапредување на музичката традиција. Настанот започна како чествување на шеесет години од формирање на ансамблот од страна на Кузман Поп-Стефанија и традиционално се одржува до денес како обид за зачувување на духот на охридската староградска песна.
Концертот е поддржан од Општина Охрид преку Програмата за култура за 2023 година.
