Со цел да се обезбеди навремено и квалитетно водоснабдување на жителите и решавање на долгогодишниот проблем на овој дел од градот, за кој беше ветено и во програмата на градоначалникот Кирил Пецаков, се заменува стариот и дотраен салонитен цевковод со профил ф100 мм, и се поставува нов цевковод од полиетиленски материјал, со профил ф 160 мм во должина од 325 метри.
Покрај поставување на новата линија, приклучени се и сите објекти од околината во истата, а воедно заменет е со нов и главниот вентил со профил ф 200 мм.
Средствата во вредност од 5 860 762 денари за реализација на проектот, се обезбедени од буџетот на локалната самоуправа на Општина Охрид .
