На 13.05.2023 околу 22.30 часот на регионалниот пат Охрид-Струга, во близина на мост на реката Сатеска, се случила сообраќајна несреќа помеѓу патничките возила „опел“ со струшки регистарски ознаки, управувано од 34 годишен жител од Струга и „ауди“ со охридски регистарски ознаки, управувано од 37 годишна жителка од охридското село Љубаништа. Притоа, возачот од Струга и неговата сопатничка 35 годишна жителка од Скопје се здобиле со тешки телесни повреди, додека сопатникот во истото возило 33 годишен жител од Вевчани, жената која го управувала возилото „ауди“ и нејзините сопатнички 29 и 32 годишни жителки од Охрид, се здобиле со телесни повреди, констатирани во болницата „Св.Еразмо“. По наредба на Јавен обвинител, увид на местото на несреќата извршила увидна екипа на ОВР Струга.
извор: СВР Охрид
