На 21 седница на Советот на Општина Охрид која ќе се одржи на 22.12.2022 (четврток) во точката 48 „Предлог-одлука за отстапување простор на времено користење” од дневниот ред, се предвидува отстапување на простории на ЈП Нискоградба за времено користење во Старата Касарна, каде се наоѓаат и Младинскиот Центар – Охрид и Касарна Хаб, се вели во објавата на ФБ од Црвена Младина.
Во продолжение ја пренесуваме објавата во целост:
‼️ Ставот на Црвена Младина е дека не треба да уништи концептот и замислата на младите за уредување на просториите на Стара Касарна и дека не треба да се селат администрациите на Јавните Претпријатија и останатите институции во тие простории каде младите се дружат, учат, креираат, вежбаат, создаваат.
ℹ️ Климент Колоски како претставник на Црвена Младина – Охрид беше на средба организирана од Локалниот Младински Совет каде гo изнесе нашиот став. Сметаме дека просториите на Стара Касарна не треба да бидат запоседнати од Јавните претпријатија и тие треба да се користат исклучиво за дружба и развој на младите во рамките на Младински Центар – Охрид и Касарна Хаб.
‼️ Црвена Младина бара да се повлече точката 48 од дневен ред, а ако тоа не се случи, Виолета Аврамоска – советникот на Левица во Советот на Општина Охрид ќе гласа против во однос на оваа точка од дневниот ред.
извор: ФБ Црвена Младина
