Од Здружението за заштита на природното и национално богатство „Енхелеус Лихнид“ од Охрид објавија фотографија од отпадните води кои директно се влеваат во Охридското Езеро во населбата Грашница, објави ОхридПрес.
Глетката е страотна, а коментарот и прашањето на екологистите е едноставно:
– Што се случува овде????
Веќе долги години наназад се шири непријатна миризба во околината, а еколошките активисти постојано апелираат до надлежните што побргу да преземат конкретни мерки.
Проблемот е стар повеќе од 30 години и според експертите лежи во истекот на бајпасите кај плажата „Мизо“ и подолу кај вливот на реката Грашница. (Крај)
извор: ОхридПрес фото: Енхелеус Лихнид
