Путин и Вучиќ телефонски разговараа за енергетика и Украина – Ohrid1
четврток, февруари 22, 2024
Свет

Путин и Вучиќ телефонски разговараа за енергетика и Украина

Рускиот претседател Владимир Путин во телефонски разговор со актуелниот српски претседател Александар Вучиќ му ја честитал изборната победа. Во соопштението од кабинетот на Вучиќ е наведено дека двајцата претседатели разговарале за тешкотиите што ги има Србија за увоз на нафта, цената на гасот и за како што ги нарекува Русија „специјалната операција во Украина“.

Во него е наведено дека тие ја анализирале економската состојба и билатералните односи во областа на енергетиката и трговијата, кои бележат раст во 2021 година и првите два месеци од 2022 година.

„Претседателот Вучиќ го информираше претседателот Путин за тешкотиите со кои се соочува Србија при увозот на сурова нафта и изрази уверување дека раководството на Гаспромњефт и Република Србија, како и партнерите од ЕУ, ќе најдат излез од таквата ситуација“, се наведува во соопштението.

Вучиќ и Путин изјавија дека долгорочниот договор за гас со Србија истекува на 31 мај годинава и дека е „потребно во најкраток рок да почнат разговори за цената, количините и другите услови за набавка на овој за Србија важен извор на енергија“, се вели во соопштението.

 

Радио Слободна Европа