петок, март 29, 2024
АктуелноНаш ИзборНаш изборОхрид

Заменик министерот Џабир Доко го посети основното училиште „Братство Единство“ во Охрид

Заменик министерот за политички систем и односи меѓу заедниците, Џабир Доко го посети основното училиште „Братство Единство“ во Охрид. На средбата со директорот на училиштето Џемал Мехмед беше дискутирано за моменталната состојба на училиштето, како и за наставниот процес кој се одвива во три јазици.
Доко се сретна и со наставниот кадар, како и учениците и од блиску се запозна со условите за настава.
Заменикот министер Доко изрази задоволство што има можност да го посети ова училиште каде што и самиот се образувал и истакна дека ОУ „Братство Единство“ во Охрид веќе повеќе од 7 децении претставува вистински пример на полето на мултикултурно образование, посакувајќи им успешна работа на наставниците и учениците.