Минатиот понеделник добивме известување од инспекторот за животна средина во Општина Охрид, Зоран Плушкоски, дека одржале состанок со претставници од ЈП „Колекторски систем“ и ЈП „Нискоградба“ – Охрид и дека поднесле барање до ЈЗУ „Центар за јавно здравје“ за испитување на квалитетот на водата на посочената локација. Постапката сè уште била во тек и по нејзиното завршување ќе известеле за резултатите, пишуваат на својот Фб профил од Охрид SOS.
Во објавата додаваат:
Само ги потсетуваме институциите да се забрзаат активностите, очекуваме резултатите добиени од ЈЗУ „Центар за јавно здравје“ да се објават јавно во медиумите, како жителите на општината би биле информирани и би се зголемила транспарентноста на институциите. Исто така, очекуваме јавноста да се информира и за сите други чекори и активности кои ќе се преземат, од страна на Кирил Пецаков – Градоначалник на Општина Охрид и погоре посочените јавни претпријатија и служби.
Видеото е снимено пред два дена, состојбата е непроменета.
![](https://ohrid1.lifestyle.mk/wp-content/uploads/2022/01/SEMM-baner_MK.jpg)