Европскиот број за итни случаи 112, од денеска се пушта во употреба и за македонските граѓани, кои во итен случај, со вртење на бројот 112, во најкраток можен рок ќе ги добијат услугите на полицијата, итната медицинска помош или противпожарната бригада, од каде било во државата.
Директорот на ЦУК, Стојанче Ангелов денеска на прес конференција истакна дека граѓаните ќе можат да го користат овој број за итни случаи наместо досегашните броеви за брза помош, пожарна, полиција.
