Се одржа првото Балканско јуниорско првенство на отворени води-Охрид 2024. На натпреварите зедоа учество околу 200 млади пливачи од регионот кои се напреваруваа во неколку јунирски категории. Организатор на првенството е Пливачкиот клуб „Охридски бранови 2008“ од Охрид.
Продолжија натпреварите од „МЕЧ РЕЈС Европски куп 2024“ на кој се натпреваруваат 8 тимови.
Дечињата на возраст од 8-12 години имаа можност да нуркаат со искусните нуркачи од нуркачкиот центар „Амфора“ во отворен базен пред хотелот „Палас“, со модерна опрема прилагодена за нивната возраст и во строго контролирани услови.
Исто така во организација на нуркачкиот центар вчеравечер беше отворена изложба под наслов „Подводниот свет на Охридското Езеро“ на која беа изложени фотографии снимени на различни локации во езерото.
Музичкиот дел од програмата вчеравечер беше посветен на најмладите кои заедно со своите родители уживаа во музичките композиции на фестивалот „Златно Славејче“ и концертот Disney приреден од ОМУ „Методи Патче“ од Охрид. Покрај музичката забава за дечињата беа поставени и реквизити за забава, а беше организирана и анимација од магионичар.
Денеска на програмата се настаните:
МЕЧ РЕЈС Европски куп 2024Промоција на водени спортовиСУП ЈОГАПромоција на Охридска и Македонска традиционална хранаИзложба: „Нешто Сино“Концерт: Наум Петрески, Милован Секулоски & Група Сарај
