Од хуманитарно социјалната помош, добиена како донација од ЕУ преку Сојузот на пензионерите на Македонија за акцијата „Рурален пензионер“, доделени се 15 пакети со прехрамбени производи и средства за хигиена на членови на Здружението на пензионерите од општините Охрид и Дебарца и тоа на лица со пониски примања како и лица со посебни потреби од следните месни ограноци: Косел, Лескоец, Велгошти, Рамне, Пештани, Рача, Оровник, долно и горно Лакочереј, Белчишта и Велмеј.
Акцијата претходните неколку денови беше реализирана од активисти на ЗП на општините Охрид и Дебарца и претседателите на месните одбори и граноци на пензионерите.
Сите приматели на оваа хуманитарно-социјална помош изразија огромна благодарност, информираат од комисијата за инфомирање при ЗП Охрид и Дабарца.
