Вредна донација за нашите најмили, новородените!
ЈЗУ Општа Болница Охрид упатува искрена благодарност до „ДАМЧЕВСКИ“ ДООЕЛ за донацијата на мобилен грејач за новороденчиња NINGBO DAVID – Warmer, наменет за потребите на нашите најмали пациенти.
Овој современ медицински апарат претставува значајно унапредување на условите за згрижување и обезбедување соодветна термичка заштита на новороденчињата, особено во нивните најчувствителни моменти.
Донациите од општествено одговорни компании се од особено значење за нашата здравствена установа и претставуваат вистински пример за грижа кон заедницата и поддршка на здравствениот систем.
Заеднички, создаваме подобри услови и посигурна грижа за нашите најмали пациенти.
ЈЗУ Општа Болница Охрид
Грижата за здравјето – наша заедничка одговорност.
