Во свечена и празнична атмосфера, Основното општинско училиште „Јосип Броз Тито“ од Струга денеска го одбележа својот патрон празник со богата културно-уметничка програма подготвена од учениците и наставниците.
Настанот започна со пригодна свеченост на која учениците преку музички настапи, рецитали и драмски изведби го покажаа својот талент, креативност и љубов кон училиштето. Присутните родители, наставници и гости имаа можност да уживаат во разновидната програма исполнета со песна, поезија и позитивна енергија.
Во рамки на одбележувањето беа доделени благодарници и признанија на учениците кои во текот на учебната година освоиле награди и постигнале значајни успеси на општински, регионални и државни натпревари. Од училиштето истакнаа дека овие успеси се резултат на посветената работа на учениците и наставниот кадар.
Раководството на училиштето упати честитки до сите ученици и наставници, нагласувајќи дека патрониот празник претставува можност за одбележување на успесите, традицијата и вредностите што училиштето ги негува низ годините.
Свеченоста заврши со заедничка порака за продолжување на успесите, знаењето и другарството како темели на воспитно-образовниот процес.
