Почитувани граѓани, Ј.П.,,Охридски Комуналец” од 12.05.2026 год. започна со проширување на мрежата за селекција на отпад со делење на жолти канти за селекција на пластика на домаќинствата кои живеат на улиците: ,,Дејан Војвода”, ,,Абас Емин”, ,,Стив Наумов” и ,,Анастасија Узунова”
Граѓаните кои живеат на горенаведените улици, своите канти за селекција на пластика можат да ги подигнат во просториите на Секторот за механизација ул.,,АСНОМ” (секој работен ден од 08:00 часот до 13:00 часот). Со себе треба да понесат лична карта со место на живеење на таа улица или лична карта од сопственикот на живеалиштето
При подигнувањето на кантата за селекција на пластика ќе потпишат договор со кој се обврзуваат кантата да ја користат за конкретната намена
Отпочнувањето на собирањето на селектиран отпад од новиот опфат ќе биде дополнително објавен и граѓаните ќе бидат навремено информирани. Засега Ј.П.,,Охридски Комуналец” ќе се фокусира на делење на кантите, а накнадно ќе биде објавен календарот за собирање. Дотогаш, ве молиме чувајте ги кантите чисти и неоштетени
Отпадот е прашање што нѐ засега сите! Ви благодариме што правилно селектирате!
