ВЕЛИКА СРЕДА
,, НЕ ПРВИ МАЈ”
Не случајно оваа година празнувањето на 1 мај се поклопува со празникот Велика Среда. Ништо не е случајно, вклучително и овогодинешната коинциденција, затоа што повторно имаме можност да избереме: Први мај ќе го славиме како христијани по Христос или како безбожници на Велика Среда?
Без намера да ја оспоруваме важноста на 1 мај, кој се празнува насекаде низ светот, должност ни е да укажаме на погубноста на годинашното празнување на истиот тој празник, бидејќи токму тој „паѓа“ на Велика Среда, кога Црквата, меѓу другото, предупредува на предавството на Јуда.
Работниците го слават први мај на излетнички места со скара, пеење и генерално забава, што не е соодветно оваа година, бидејќи истиот тој ден е Велика Среда, денот на Страсната седмица во кој молитвено се сеќаваме на последните денови од Христовиот земен живот.
Важно е да се слушне гласот на работниците, да се почитуваат нивните права, нивната положба во општеството да се подобрува секој ден, но, далеку поважно е да не се вбројуваме меѓу оние кои грубо ќе го нарушат светоста на црковниот ред и поредок, бидејќи не можеме на 1 мај истовремено да правиме скара, да пееме и да пиеме, а неколку дена подоцна да го славиме Христовото Воскресение.
Избирајќи меѓу 1 мај и Света седмица, да го избереме Господа и ние да не бидеме предавници да немаме дел со Јуда, а кој сака нека го остави празнувањето на 1 мај за деновите по празникот Воскресение Христово, кога соодветно е вистински да се радуваме.
Да бидеме разумни во сè, не сквернавувајќи го светилиштето или она што го носиме од него како духовно богатство, туку да се покажеме благодарни на Господа за секое добро што несебично ни го дал.
Неблагодарните синови нема да го наследат Царството, туку ќе го изгубат и она што го имаат. Да ги броиме благословите и да се заблагодариме, а не да ги трошиме деновите што ни се дадени. Да ги отвориме нашите срца, но и очите, за да не се сопнеме на патот на спасението. Да се потсетиме на Господа и Неговите страдања додека го чекаме празникот Воскресение.
Да не се извалкаме со недостојноста да пиеме во деновите кога не е прикладно да пиеме и да бидеме весели, за да не плачеме кога не можеме да се надеваме дека ќе плачеме.
– стои во реакцијата од Соборен Храм Св Никола Враништа.
