Роберто Кавали, познатиот италијански дизајнер, почина денеска на 83-годишна возраст.
Италијанската новинска агенција АНСА објави дека дизајнерот починал дома во Фиренца, градот во кој е роден, по долго боледување.
Биографија на Роберто Кавали
Роберто Кавали е роден во 1940 година во Фиренца. Татко му бил надзорник во рудник и многу рано го изгубил (Германците го убиле за време на Втората светска војна). Неговата мајка Марсела била шивачка, а нејзиниот татко бил познатиот импресионистички сликар Џузепе Роси, чии дела сè уште се изложени во музејот во Фиренца (Уфици). Неговиот живот и животот на неговата сестра имале големо влијание од нивната мајка, бидејќи таа, така да се каже, сама ги воспитувала, а тоа оставило длабока трага на нивниот карактер. Во 1957 година влегол во Академијата за уметности, двоумејќи се дали да ги следи стапките на својот дедо и да стане сликар или да стане архитект, што го привлекувало.
На универзитетот почна да излегува со колешка која подоцна ќе му стане прва сопруга. И во тој период почнува повеќе да размислува за својата иднина и за желбите за неа. Во тој период, еден пријател го покани рачно да ја наслика линијата на трикотажа што ја започна. Тој проект стана хит меѓу младите, па Роберто се заинтересира за дизајн на текстил и почна да дизајнира фармерки и маици во хипи дух. Почнал да работи за Марио Валентино, дизајнер од Неапол кој бил специјалист за чевли и кожни производи. Таму пронашол и патентирал посебна техника на печатење на кожа, која успешно ја користи и денес.
