Никола Јакимоски, 29-годишниот охриѓанец кој беше најсреќен оваа година за празникот Богојавление Водици го донираше телевизорот кој го доби на подарок на Школата за дечиња „Бон-Тон“.
– По повод празникот Богојавление Водици, фаќачот на крстот Никола Јакимоски, телевизорот (донација од „Зегин“) го подари на нашите дечиња, објавија од „Бон-Тон“.
Светиот крст годинава заврши во рацете токму на Никола Јакимоски, кој посака здравје, среќа и бериќет во текот на целата година.
– Скокам по крстот од својата 15-та година и како сите имав желба да го фатам. Оваа година среќата ме посака мене. Секогаш е тешко да се влезе во студените води, ама желбата е поголема од тешкотиите. Посакувам здравје, среќа, љубов, свадби, дечиња, напредок на сите полиња, рече Јакимоски.
ohridpress.mk
