На 17 седница на Советот на Општина Охрид, одржана на 07.10.2022 година, едногласно беше усвоена ИНИЦИЈАТИВАТА за изработка на физибилити студија, со цел основање ЈП за производство и продажба на електрична енергија, поднесена од советникот на ЛЕВИЦА, Виолета Аврамоска на 23.09.2022 година, се вели во соопштението од Левица ЛО Охрид.
Во соопштението од партијата додаваат:
Со формирање ЈП за производство и трговија на електрична енергија се отвора можност општината да приходува од овие дејности, со што за краток период ќе го амортизира финансискиот удар од висиката цена на струјата, а на долг план, со добро менаџирање на ЈП,
да се остварува финансиска добивка која би ја инвестирала во подобрување на условите на жителите на општина Охрид.
Првична цел на ова ЈП е да изгради фотоволтаични централи на сите поволни локации во општина Охрид, втората фаза – да инвестира во производствени капацитети за електрична енергија на поволни локации надвор од границите на општината и последната фаза на развој, ова ЈП самостојно би вршело снабдување со електрична енергија на Општината и нејзините институции, како и други потрошувачи.
извор: Левица ОК Охрид
