Со особена радост ја примивме веста дека во рамките на православниот фестивал за филмска уметност Byzanfest, јубилејниот филм за Бигорскиот манастир „1000 години Сведок на светлината“ беше номиниран во три категории: најдобар документарен филм, најдобар кинематографер и најдобар режисер.
За првпат во македонската кинематографија независен филмски проект бележи ваков меѓународен успех. Интересно е и тоа што режисерот на овој документарен филм, Илија Ико Каров, е номиниран во една од главните номинации „најдобар режисер“, заедно со режисерите од програмата на играните филмови.
Инаку, според програмата на Byzanfest 2022, кој ќе трае од 27 октомври до 06 ноември во Мелбурн, Австралија, проекцијата на филмот „1000 години Сведок на Светлината“ е предвидена за 4 ноември.
Бигорски Манастир
