Грмежи, и темни облаци над планината Галичица, додека во Охрид освен ветар до овој момент нема невреме.
Метеоролозите за денеска најавија дека претпладне ќе биде сончево и многу топло со мала до умерена облачност, а во попладневните и вечерните часови наместа ќе има развој на нестабилна облачност со пороен дожд, грмежи и засилен ветер, која локално ќе биде со услови за појава на краткотрајно невреме, град и силен ветер.
Максималната температура ќе биде во интервал од 30 до 38 степени. УВ индексот ќе изнесува 8.
Во следните денови претстои период на многу топло време со дневни температури кои насекаде ќе бидат над 30 степени. Поради зголемената влага во атмосферата ќе се има чувство дека температурата на воздухот е повисока за 1 до 2 степена.
И покрај топлото време поради влијание на циклонска активност од исток, претежно во попладневните и вечерните часови наместа ќе има развој на нестабилна облачност со пороен дожд, грмежи и засилен ветер, а локално ќе има услови за појава на краткотрајно невреме со појава на град и силен ветер.
извор: Охрид 1
