Полициски службеници извлекле тетовец затрупан со возилото во снежните наноси на Галичица – Ohrid1
четврток, февруари 22, 2024
АктуелноНаш ИзборОхрид

Полициски службеници извлекле тетовец затрупан со возилото во снежните наноси на Галичица

На 28-ми декември 2021 година, во 20:30 часот полициски службеници од СВР Битола преку 192 добиле повик за помош од страна на 57-годишниот П.Х. од Тетово.

Според пријавеното, поради големи снежни наноси на планината Галичица, П.Х. заглавил со патничко возило „џип“, со албански национални ознаки, на регионалниот пат Отешево-Свети Наум, на кој има активна забрана за движење со возила во зима.

Полициски службеници од Граничен премин „Стење“ веднаш излегле на терен, при што во 21.00 часот во близина на место викано Ски центар „Галичица“ било пронајдено заглавеното во снег возило, на П.Х. му била укажана помош и безбедно бил извлечен со возилото и спуштен на безбедно место на главниот пат.

фото: No Man’s Land