Владата го усвои новиот закон за легализација на дивоградбите и ќе го достави пред пратениците. Ќе можат да се легализират дивоградби изградени до 1 јануари 2021 година. Министерот Нуредини и министерот за транспорт и врски, Благој Бочварски презентираjќи го Предлог-законот истакнаа дека нема да може да се легализираат објекти во заштитен појас на охридско крајбрежје и тие кои не се во догласност со Унеско.
– Истото е предвидено за сите видови бесправни објекти изградени во границите на охридскиот регион, кои се утврдени дека не се во согласност со Планот за управување со светското и културно наследство во регионот на Охрид. Ова подрачје има непроценлива природна, културна и универзална вредност и во него ќе може да се спроведе легализација само на објектите што се во Планот за управување. Ова значи дека ќе се дозволи само на оние објекти што се со намена А1, односно куќи за домување во зоната за одржливо користење и заштитниот појас на подрачјето. На овој начин ќе излеземе во пресрет на граѓаните кои не можеле да ги регулираат своите нерешени имотно правни односи, истакна Нуредини.
Предлог законот предвидува 50 проценти казна за објекти до 80 квадрати, а тие над 80 ќе плаќаат 100 проценти пенали.
Истовремено, лицата со приход до 180.000 ден нема да плаќаат надоместок.
