Ана Стојановска од Тениски клуб Охрид од 10 – 20 Декември учествуваше на 2 турнири – Источноевропски развојни првенства до 14 години во Анталија, Турција, организирани од Tennis Europe, и на двата се пласира во полуфинале во сингл конкуренција. На турнирот учествуваа најдобрите двајца во машка и женска конкуренција од 10 држави од Источна Европа.
Пласманот во 4-те најдобри на двата турнири е голем успех за Ана Стојановска, за градот, но и за македонскиот тенис. Одличен успех забележаа и Амар Хусеиновиќ и Александар Трифуновски кои победија во дубл конкуренција на двата турнири, а Амар играше во финалето на едниот и полуфиналето на другот турнир во сингл.
