ЈП „Охридски Комуналец“ ги информира граѓаните дека продолжуваат интензивните активности за покривање со земја на опожарениот дел на депонијата „Буково“.
За справување со пожарот и затрупување на опожарените делови, досега се донесени и употребени над 2.000 кубни метри земја.
Со механизација и ангажман на екипите на терен се врши затрупување со земја на опожарените површини и жариштата, со што се спречува понатамошно ширење и се создаваат услови за целосно стабилизирање на состојбата.Екипите на ЈП „Охридски Комуналец“, заедно со останатите надлежни служби, продолжуваат со активностите на терен и постојано ја следат состојбата. Активностите продолжуваат сè до целосно ставање на состојбата под контрола.
ЈП „Охридски Комуналец“ им се заблагодарува на сите служби и ангажирани лица за вложениот напор, како и на граѓаните за разбирањето и поддршката.
