Денес имав чест да остварам протоколарна средба со амбасадорката на Сојузна Република Германија во нашата земја, Петра Дрекслер.
На средбата разговаравме за досегашната успешна соработка, како и за можностите за нејзино унапредување. Посебен акцент ставивме на значајните инфраструктурни и капитални проекти на кои во моментов работи Општина Охрид.
Ја информирав амбасадорката и за функционирањето на општинските јавни претпријатија како и за Локалниот економски развој.
Во разговорот беше истакнато и значењето на германските компании во регионот, меѓу кои и Костал Македонија, која денес одбележува 10 години успешно работење.
