Во ЈЗУ Специјализирана болница за превенција, лекување и рехабилитација на кардиоваскуларни заболувања – Охрид, на 2 април со почеток во 12 часот ќе се одржи работилница посветена на воведување на нова метода во третманот на периферна артериска болест со користење на системот Jetstream Atherectomy.
Методата овозможува третман на специфични промени на периферните артерии и претставува значаен чекор кон унапредување на квалитетот на здравствените услуги за пациентите со ова заболување.
Од болницата посочуваат дека со воведувањето на оваа метода се очекува подобрување на квалитетот на живот на пациентите, избегнување на сложени хируршки интервенции и намалување на ризикот од инвалидитет.
Со ваквите современи медицински пристапи, охридската кардиолошка болница продолжува да биде лидер во третманот на периферна артериска болест.
