Во храмот „Успение на Пресвета Богородица“ во Каменско, денеска беше отслужена Литургија на Претходноосветени дарови од страна на Неговото Високопреосвештенство, Георгиј, Митрополит на Дебарско-кичевска епархија.
По завршувањето на литургијата, беше отслужен и парастос по повод 50-годишнината од упокојувањето на првиот Дебарско-кичевски Митрополит, Методиј, со што верниците и свештенството оддадоа почит кон неговото духовно дело и придонес во развојот на епархијата.
Во рамки на денешните активности, се одржа и свештеничко собрание на кое присуствуваше свештенството од целата епархија, при што беа разгледани тековни прашања и активности поврзани со црковниот живот и организацијата на епархијата.
