На 16.09.2025 во 23:00 часот, полициски службеници од ОВР Струга го лишија од слобода лице на (29) од Струга и на 17.09.2025 околу 11:00 часот го лишија од слобода лице на (34) од струшкото село Велешта во врска со кривично дело „убиство“ во обид по член 123 став 1 во врска со член 19 од Кривичниот законик. Тие, претходно на улица „ЈНА“ во Струга, со метални предмети ги нападнале Б.А.(52) и 17-годишно лице, двајцата од дебарското село Џепиште, по што едниот со пиштол испукал неколку куршуми кон друго лице и избегал.
По преземени мерки, двајцата се пронајдени и лишени од слобода. Повредениот, со возило на Итната медицинска помош е пренесен во Општата болница во Струга каде се констатирани тешки телесни повреди. По целосно расчистување и документирање на настанот, ќе бидат поднесени соодветни пријави.
