Најновите податоци од пописот на населението спроведен во 2023 година покажуваат дека муслиманите повеќе не го сочинуваат апсолутното мнозинство од граѓаните на Албанија.
За првпат во последните два века, муслиманите паднаа под половина од вкупното население
Муслиманите сега се 45,7 проценти, што ги прави малцинство во споредба со сите други жители за првпат откако Турците дојдоа на Балканот.
Бројот на муслимани во споредба со пописот од 2011 година се намали за повеќе од 30 проценти.
Во пописот од 2023 година, муслиманите Бекташи се 4,8 проценти, но тие се наведени како посебна религиозна група. Ова исламско религиозно братство ги следи учењата на Хаџи Бекташ Вели, анадолски дервиш од 13 век.
Бекташите се блиски до шиитската гранка на исламот. Од Анадолија, тие се проширија на Балканот и беа многу влијателни меѓу јаничарите.
Во Албанија живеат 15,6 проценти христијани, од кои 8,4 проценти се католици, а 7,2 проценти се православни. Има 13,8 проценти неденоминациски верници и 3,6 проценти атеисти.
Оваа значајна демографска промена е историска за структурата на албанското општество, кое беше нестабилно со децении дури и пред комунизмот.
Според „Турција денес“, Албанија изгубила околу 15 проценти од своето население во последните десет години, главно поради масовната емиграција и падот на стапката на наталитет. Аналитичарите го поврзуваат ова со недостатокот на перспектива за младите луѓе кои сè повеќе бараат работа во странство.
Историски гледано, Албанија била католичка земја во своите почетоци, по римските освојувања. Статусот на муслиманска земја го добила дури во 15 век со доаѓањето на Османлиите.
Сепак, поради близината и силните врски со Грција, православното христијанство повторно е во пораст во последните децении.
fokus.mk
