Патот од Охрид до Свети Наум е во фаза на обемна реконструкција. Едната коловозна лента, која беше посериозно оштетена сега е целосно прекопана и се поставува нов тампон. Семафор блиску пред селото Пештани и сообраќајот се одвива наизменично по само една лета.
Оваа делница чекаше на реконструкција со години и конечно таа ќе биде реконструирана.
Претходно во 2016 година беа изнесени планови за градење нов експресен пат кој би поминувал над селото Пештани, но тоа наиде на отпор кај невладините организации на кои во последните десетина години им успеа да се наметнат како фактор еднаков на УНЕСКО и со помош на поедини медиуми и покорноста на поранешната влада во Скопје, создадоа состојба во која нивните ставови станаа единствени меродавни, а тие единствени лица кои може да кажат што смее и што не смее.
НАСКОРО РАЗГОВОРИ ВО ПАРИЗ – ВО АЛБАНИЈА ДО ПОГРАДЕЦ СЕ ВОЗИ ПО НОВА ОБИКОЛНИЦА
Министерот за транспорт и врски Александар Николоски најави дека тој заедно со охридскиот градоначалник Кирил Пецаков наскоро ќе водат директни разговори со првите луѓе на УНЕСКО во Париз каде ќе се разговара за повеќе теми кои се суштински за развојот на Охрид и ова ќе е прв пат да се зборува со најдоговорните луѓе на оваа организација.
Во меѓувреме додека во Македонија не смее да се изгради експресен пат на Галичица, во Албанија ( каде езерото исто така е заштитено од УНЕСКО ) кај Тушемиште се изгради цела обиколница која поминува токму на патините на оваа планина.
