На 09.11.2024 во 00.25 часот, на пресекот на булеварот „Туристичка“ со улицата „Абас Емин“ во Охрид, полициски службеници од СВР Охрид, од слобода го лишија лице на (20) од Охрид. Тој се сомничи дека е сторител на кривично дело „загрозување со опасно орудие при тепачка или караница“, сторено на 08.11.2024 година во 23.30 часот пред спортска сала во Охрид.
Притоа, со повреди нанесени со остар предмет се здобиле лице на (25) од селото Лактиње, општина Дебрца, лице на (22) и на (22), двајцата од Охрид.
Во врска со овој настан, на 09.11.2024 во 00.40 часот, во СВР Охрид повикан е лице на (20) од Охрид и пронајдено е моторно возило „бмв“ со охридски регистарски таблици, кое било управувано од осомничениот. Се преземаат мерки за целосно расветлување на настанот, по што СВР Охрид ќе поднесе соодветни пријави.
