Откако СДС укина паралелка во Гимназијата сега покажува лицемерна загриженост
СДС, очајни сте, затоа што охриѓани во неделата јасно ви порачаа дека следуваат промени и на централно ниво, се вели во соопштението од ВМРО ДПМНЕ.
Во продолжение на истото од партијата додаваат:
Не можејќи да се помирите со вашата неспособност и неработење, единствен излез барате во манимулации и ширење невистини меѓу охриѓани.
Замислете, вие, кои за 4 години локална власт не мрднавте со прст за Гимназијата, вие кои за 8 години централна власт шајка не заковавте, сега се дрзнавте да коментирате за градежните зафати и целосната реконструкција на училиштето.
Ја уништивте Гимназијата и сега уште имате лице да коментирате, па кажете што направивте за истата?
Има ли поголема небезбедност и страв за вработените, за кои сте вие главни виновници, од тоа што укинавте една паралелка во Гимназијата?
Лицемерни сте, затоа што го запустивте Угостителското и го претворивте во партиски штаб, без нималку совест ги оставивте учениците цела година да учат онлајн, а вработените да мрзнат во една просторија.
ВМРО-ДПМНЕ започна, и има да ја заврши целосната реконструкција на гимназиската зграда, како со училишниот двор и негово партерно уредување, потоа со внатрешни ѕидови, кров, под и столарија, како и со промена на електричната инсталација.
Создавањето услови за подобар воспитно-образовен процес и грижа за сите се наша обврска затоа што ја добивме довербата од охриѓани и никогаш нема да ги изневериме.
Колку се грижите за сопствениот двор и обврските на институциите со кои раководите ќе ве потсетуваме, а вие најдобро е уште сега да се скриете некаде, зашто жив срам ќе ве изеде од вашата неспособност и хаосот кој го оставивте.
Гледајте и учите како се работи!
Охрид се сака со дела, а не со деструкција!
Извор: Центар за комуникации на ВМРО-ДПМНЕ ОК Охрид
