Советот на јавни обвинители на денешната 87-ма седница со по девет гласа „за“ ги избра Зура Селими и Александра Дамјановска – Николоска за јавни обвинители во Основно јавно обвинителство Гостивар, како и Игор Димитровски и Валнеса Бизаки-Дилали за јавни обвинители во основните јавни обвинителства во Скопје и во Струга.
Сите кандидати ја имаат успешно завршено обуката на Академијата за судии и јавни обвинители и почнуваат со работа од 1 ноември годинава.
На огласот за јавно обвинители во ОЈО Гостивар и ОЈО Скопје биле пријавени двајца кандидати, како и во ОЈО Струга, двајца кандидати.
Советот на денешната седница, исто така, треба да ги разгледа и годишните извештаи за работата на Основното јавно обвинителство за гонење на организиран криминал и корупција – ОЈО-ГОК Скопје и за работата на јавните обвинителства на подрачјето на Вишото ЈО Штип.
фото: Архива
