Денес 17.07.2023 година во Токио, Јапонија заврши 53. Меѓународна олимпијада по физика на која учениците од Македонија го забележаа најголемиот успех на оваа олимпијада освојувајќи два бронзени медали и две награди за успешно учество (пофалници).
Мајкл Георгиевски, ученик во четврта година во СОУ Гимназија Добри Даскалов – Кавадарци – бронзен медал,
Јан Стојановски, ученик во трета година во ПСУ Јахја Кемал – Скопје – бронзен медал,
Матеј Гелев, ученик во трета година во ПСУ Јахја Кемал – Скопје – пофалница
Емилија Николовска, ученичка во трета година во Математичко – информатичка гимназија – Скопје пофалница.
На оваа олимпијада во тимот учествуваше и достојно го покажа своето знаење и
Кристијан Шишкоски, ученик во четврта година во Св. Климент Охридски – Охрид,
Водачи на тимот беа:
Проф. д-р Ламбе Барандовски, вонреден професор на ПМФ во Скопје и
Проф. д-р Боце Митревски, редовен професор на ПМФ во Скопје
ДФРМ се заблагодарува на водачите на тимот, на луѓето од Институтот за физика при Природно – математичкиот факултет во Скопје, кои беа вклучени во подготовката на тимот, на сите наши пријатели кои ја подржуваат работата со надарените физичари во Македонија, како и на оние кои го помогнаа учеството на тимот на оваа олимпијада:
Технолошко индустриски развојни зони
Агенција за млади и спорт и
ТЕЦ Неготино.
Честитајќи им го успехот искрено веруваме дека уште многу пати ќе не направат горди со нивните идни академски постигнувања!
ДФРМ
