До раните утрински часови траеше големата празнична прослава по повод „Св. Петка“ во Враништа, каде познатиот македонски фолк-пејач Јордан Митев приреди вистински музички спектакл пред бројната публика.
Настапот започна во 21:30 часот, а заврши во 03:15 часот, при што спортскиот полигон во Враништа беше исполнет со македонска песна, игра и празнично расположение.
Публиката во текот на целата вечер пееше заедно со Митев, а неговиот настап беше проследен со одлична атмосфера и голем број посетители кои останаа до самиот крај.
На крајот, присутните со громогласен аплауз и искрени овации го испратија пејачот, како своевидна награда за повеќечасовниот настап.
Митев по завршувањето на концертот им се заблагодари на присутните, истакнувајќи дека ваквата реакција на публиката е резултат на долгогодишниот труд, посветеност и љубов кон музиката.
„Ова не се наместени реакции, ова не се договорени сцени, ова не е донесена публика за сликање и викање. Ова е публика стекната како резултат само на труд и работа, добра песна и музика“, порача Митев.
Со неговиот настап заврши една од најпосетените и највеселите празнични вечери во Враништа, во чест на Света Петка, која годинава повторно ги обедини мештаните, гостите од Струга и околните места, но и сите љубители на македонската песна.
Празничната вечер заврши со благодарност од Митев до публиката:
„Ви благодарам! Да сте ми здрави и живи!“
Враништа до раните утрински часови живееше со македонската песна, а прославата на „Св. Петка“ уште еднаш покажа дека традицијата, музиката и заедништвото се најубавиот начин за одбележување на големите празници.
