Еден век живот исполнет со спомени, предизвици и истрајност. Стогодишниот Суби Латифи од струшкото село Биџево го одбележа својот голем јубилеј – 100 години живот.
По тој повод, градоначалникот на Општина Струга, Менди Ќура, лично го посети и му упати искрени честитки, посакувајќи му добро здравје, мир и уште многу убави моменти поминати со најблиските.
Животниот век на Суби Латифи претставува сведоштво за времињата, за промените и за вредностите што се пренесуваат од генерација на генерација. Неговата приказна зборува за истрајност, семејство и тивка сила што остава длабока трага.
Од Општина Струга велат дека ваквите јубилеи се потсетник дека грижата и почитта кон повозрасните не се само обврска, туку вредност што го дефинира општеството.
Токму преку вакви гестови се испраќа порака за солидарност, почит и внимание кон постарите генерации.
