(ВИДЕО) Охриѓанецот, Д-р Анис Сефиданис го направи првиот хуманоиден робот во Македонија кој „гледа“ и „слуша“

Професор на Факултетот за машинска интелигенција и роботика при Универзитетот за информатички науки и технологии „Св. Апостол Павле“ во Охрид Д-р Анис Сефиданис, го направи првиот хуманоиден робот во Македонија кој „гледа“ и „слуша“.

Професорот исто така, е основач на Центарот за истражување и развој на експоненцијални технологии Сефиданис.

Зад себе, д-р Сефиданис има неколку импресивни проекти, како паметниот споменик на Григор Прличев кој се наоѓа во Охрид.

Но, дефинитивно најмногу се истакнува роботот направен во центарот Сефиданис.

Во соработка со инженери и други експерти од областа, д-р Сефиданис го направи првиот хуманоиден робот во Македонија кој „гледа“ и „слуша“, но и прима команди со помош на сензори.