По циклонската активност со центар над Медитеранот, која на многу места низ Македонија ќе донесе врнежи, грмежи и локално невреме, следува поголемо освежување на времето и потпросечни температури на воздухот.
За време на викендот кој што доаѓа условите за нестабилност значително ќе се намалат, но наутро температурите ќе бидат многу пониски за разлика од сега. Тие ќе се спуштаат во интервалот дури од 3 до 9 степени.
На високите планини на запад и на северозапад од државава тие ќе се спуштат и до околу 0 степени, со што е можна појава и на слаб мраз.
Најава за некое поголемо затоплување на времето, но и за летни температури засега нема на повидок, најавува метеопрогнозерот Славчо Попоски.
