Ја известуваме јавноста дека членот на Советот на Општина Охрид од Левица – Виолета Аврамоска поднесе Иницијатива за донесување одлука со која престојот и исхраната на децата кои се згрижени во државните градинки на територијата на Општина Охрид да бидат ослободени од партиципација.
Образложение:
Со престојот на децата во градинките се создаваат предуслови за сите нивни подоцнежни услови во образованието и социјалната интеграција.
Градинките немаат само згрижувачка улога, туку исто како и основното образование, имаат воспитно-образовна и спортско-рекреативна улога, преземајќи вклучително и културно-забавни активности, мерки за поттикнување на интелектуалниот, емоционалниот, физичкиот, менталниот и социјалниот развој на децата.
Имајќи предвид дека основното образование согласно Уставот на Република Македонија е бесплатно, а ценејќи ја претходно наведената улога на градинките во развојот на децата, логичен след е и овој дел од образованието да биде бесплатен.
извор:Левица ЛО Охрид
