Почитувани богољупци и родољупци,
На денот кога го славиме споменот на светиот и славен пророк Илија, на светите Пречистански Преподобномаченици Евнувиј, Пајсиј и Аверкиј, како и 120 години од херојското Илинденското Востание, ве известуваме дека централното торжество ќе се одбележи со:
1. Света архијерејска Литургија во Сечесниот Храм на Светиот Великомаченик Георгиј Победоносец во с. Лазарополе, со почеток во 09:00 часот, на која ќе чиноначалствува Неговото Преосвештенство Епископот Антаниски г. Партениј;
2. Свечен чин на Доксологија – Молитва за Татковината и за покој на паднатите за слобода, во соборниот храм на Свештената Бигорска Обител, со почеток во 14:00 часот.
3. Филхармониски концерт во Бигорски, со почеток во 20 часот.
Честит Илинден и од Бога благослов!
На многаја лета, возљубена наша Татковино!
