четврток, февруари 29, 2024
Наш ИзборНаш изборОхрид

Левица: Продолжува непотизмот на Алаксандар Китески и ДПМНЕ

Александар Китески, по промената на локалната власт, од страна на неговата партија беше назначен на функцијата Секретар на Општина Охрид, се вели во соопштението од Левица ЛО Охрид.

Во истото од партијата додаваат:

За нецела година од промената на локалната власт и од неговото поставување за секретар на општината, Александар Китески си ја вработил неговата сопруга Елена Китеска, како учителка во ОУ,, Кочо Рацин” Охрид, на местото кое се ослободило по назначувањето на новата директорка на училиштето.

И, додека другите просветни работници се вработуваат на опредено време, со договори на дело, сопругата на Александар Китески, веднаш добила решение на неопределено работно време.

Освен ова вработување, секретарот на Општина Охрид, во ЈП ,, Комуналец”, во наплатна служба, вработил блиска роднина на неговата сопруга.

Левица ЛО Охрид ги потсетува ДПМНЕ, дека ваквата појава се нарекува НЕПОТИЗАМ, но за ДПМНЕ, очигледно непотизмот е сосема нормала појава.

извор: Левица ЛО Охрид