Жителите и туристите во најголемиот туристички центар Охрид цело лето имаат проблем со водоснабдувањето, а заслужуваат како и секој човек во 21 век да имаат 24 часовна можност за одржување на лична хигиена и пред се’ да го имаат основното средство за живот-ВОДАТА.
Свлечиштето на улицата АСНОМ направено сега не само што доведе до бликирање на сообраќајот таму туку и доведе до голем проблем со градскиот водоводен систем, па локалната власт, која очигледно прави некакви компромиси со засегнатата страна со проблемот, наместо да пристапи кон клучно решавање на проблемот, се реши за споредно навидум решение со некаква си регулација на протокот на вода, па затоа сега жителите на Охрид имаат едвај притисок на водата и едвај вода на сред лето. 
Згора на се’, секојдневно на излезот од каналот кај Едриличарското се влеваат фекалии што претставува ужасна глетка на едно од најубавите места во градот. 
Охрид е во ек на сезона… со блокирани улици, без вода, отпад на сите страни, фекалии во вода.. не се покажува совршена слика за градот!
-велат во својата објава на ФБ од ОО СДСМ Охрид.
