После поминати скоро 7 месеци од локалните избори, сериозно е време ВМРО-ДПМНЕ да сфати дека на чело со градоначалникот Кирил Пецаков издвоија победа на изборите и го добија лидерството на градот и општината. Константин Георгиевски и СДСМ се во локална опозиција. Наместо градоначалникот Пецаков кој го гледаме присутен на сите смешни партиски настани во неуспешен обид да ги добие сите поени од “неспособноста на СДСМ и Константин Георгиевски” , време е да излезе на терен и да провери колку време не е санирана оштетената инсталација за наводнување на зеленилото на пешачкиот премин на улицата “Галичица” и улицата “Јане Сандански” и да се запраша дали случајно тоа има некаква врска со пропаѓање на шахтата.
Или во секој случај на ДПМНЕ и Пецаков им останува втората опција, добро позната за нив и нивното владеење – нека не санираат ништо и нека остават да пропадне асфалтот на цела улица, па граѓаните за некој ден ќе почекаат уште едно партиско соопштение со посочување на кривици од минатото.
Како партија во локална опозиција СДСМ Охрид не планира да ја замара јавноста и граѓаните со смешни преписки со партијата на власт која и во време на владеење очајно се обидува да крене рејтинг на сметка на нивните претходници. Граѓаните многу добро знаат кој што направил, а исто така знаат и кој што ветуваше само да ја превземе власта.Заедно со граѓаните, туристите и ние како партија во опозиција ги чекаме ВМРО-ДПМНЕ и Кирил Пецаков да ни ја покажат нивната способност. Барем да ги санираат сите дефекти, да ги средат тие малку улици и училишта што ги остави претходната “неспособна” власт и најважното – да ги среди плажите. 
Сите доволно слушнавме и прочитавме, редно време е да ја видиме реализацијата на нивните ветувања.
Центар за комуникации на ОО СДСМ Охрид
